प्रिसिजन - परफेक्शन आणि सामाजिक न्याय....
काल एका सरकारी जमीन मोजणीला हजर रहावं लागलं,
आधीच कोकणी.... त्यात जमिनीचा दावा.... व भरीस भर म्हणून ती जमीन देवस्थानची... असं नाजूक प्रकरण....
चार पाच महिन्यापूर्वी एका वकिलांच्या विनंतीने हे प्रकरण खाजगी मोजणीसाठी माझ्याकडे आलं, तीन गावच्या सीमेवरचा जमिनीचा वाद ... देवस्थान कोणत्या गावाच्या हद्दीत ? आता सह्याद्रीच्या दुर्गम डोंगरमाथ्यावर असलेलं - अर्धा पाउण तास पायपीट करून वर पोचावं तर केवळ एक शंकराची घुमटी, शंभर एक माणसं बसतील एवढं पत्र्याचं छप्पर, उत्सवाचा - प्रसादाचा स्वयंपाक करण्याची दोन चुली असलेली एक खोली व दोन भक्तांच्या समाध्या एवढाच पसारा असलेलं देवस्थान हे काही उत्पन्नाच्या साधनासाठी ताब्यात हवं असाही वाद नाही, पण "आमच्या गावचं" देवस्थान म्हणून महाशिवरात्र व श्रावणी सोमवारचा "मान" आमचा हा हट्ट ! त्यामुळे हमरीतुमरी....२००८ पासून कुरबुरी.... एकाने मोजणी केली की दुसऱ्या गटाचा विरोध, त्यांनी मोजणी केली की पहिल्या गटाला ती अमान्य !! एका चाकरमान्याने अक्कल चालवून ह्या सीमेवरची पन्नास गुंठे जागा खरेदी केली, त्या जागेची मोजणी लावून (चिरीमिरी देवून) ते देवस्थान त्या जागेत असल्याचा नकाशा - नोंद केली ... डोंगर धार ( Ridge Line ) हीच सीमा असा साधारण भूमापनाचा सर्वमान्य संकेत त्या मोजणी करणाऱ्याने बाजूला ठेवला. "एवढ्या डोंगरात कोण येतं परत मोजायला ? परत आलो तर मीच येणार नां ? अशी भावना...
गावच्या जुन्या जाणत्या जमिनीच्या हद्दी माहीत असलेल्या म्हाताऱ्या लोकांच्या विरोधाला नव्या पिढीने " ह्या कॉम्पुटर सर्व्हेचं तुम्हाला कळत नाही, तुम्ही गप्प रहा " अशी बोळवण केली...वर अडाणी गावकऱ्यांना "आमचे साहेब तिकडे साताऱ्यात बसून सॅटेलाईट वरून लक्ष ठेवून हद्दी दाखवणार अशी लोणकढी थाप मारली.. ( कोकणातल्या जमिनीचा सर्व्हे ...अन् साहेब साताऱ्यात ? ) हे मान्य नसलेल्या गावकऱ्यांनी कोर्टात केस करायची तयारी केली. वकिलांनी मला " तुम्ही त्रयस्थ पणे मोजून वस्तुस्थिती मला सांगा, माझे पक्षकार चुकीचे असले तरी तसं सांगा " असं स्पष्ट सांगितलं, गावकऱ्यांनाही ते मान्य झालं,
चार एक महिन्यांपूर्वी यां देवस्थानाच्या तीनही डोंगर धारांनां फिरून जी पी एस ने सर्व्हे करून ,जुन्या खुणा शोधून मी माझा रिपोर्ट वकिलांना दिला ,
" यात किती फरक होऊ शकतो ? " - वकील
"जेमतेम पाच ते दहा फुट इकडे तिकडे, ते सुद्धा गावाचे रेफरंस मॅप १ : १०००० च्या स्केल चे आहेत म्हणून नकाशावर १/२ मिलीमीटर चुकलो तर जागेवर दहा फुट ".... मी
चालेल ! करुया अपील !!!
काल एका सरकारी जमीन मोजणीला हजर रहावं लागलं,
आधीच कोकणी.... त्यात जमिनीचा दावा.... व भरीस भर म्हणून ती जमीन देवस्थानची... असं नाजूक प्रकरण....
चार पाच महिन्यापूर्वी एका वकिलांच्या विनंतीने हे प्रकरण खाजगी मोजणीसाठी माझ्याकडे आलं, तीन गावच्या सीमेवरचा जमिनीचा वाद ... देवस्थान कोणत्या गावाच्या हद्दीत ? आता सह्याद्रीच्या दुर्गम डोंगरमाथ्यावर असलेलं - अर्धा पाउण तास पायपीट करून वर पोचावं तर केवळ एक शंकराची घुमटी, शंभर एक माणसं बसतील एवढं पत्र्याचं छप्पर, उत्सवाचा - प्रसादाचा स्वयंपाक करण्याची दोन चुली असलेली एक खोली व दोन भक्तांच्या समाध्या एवढाच पसारा असलेलं देवस्थान हे काही उत्पन्नाच्या साधनासाठी ताब्यात हवं असाही वाद नाही, पण "आमच्या गावचं" देवस्थान म्हणून महाशिवरात्र व श्रावणी सोमवारचा "मान" आमचा हा हट्ट ! त्यामुळे हमरीतुमरी....२००८ पासून कुरबुरी.... एकाने मोजणी केली की दुसऱ्या गटाचा विरोध, त्यांनी मोजणी केली की पहिल्या गटाला ती अमान्य !! एका चाकरमान्याने अक्कल चालवून ह्या सीमेवरची पन्नास गुंठे जागा खरेदी केली, त्या जागेची मोजणी लावून (चिरीमिरी देवून) ते देवस्थान त्या जागेत असल्याचा नकाशा - नोंद केली ... डोंगर धार ( Ridge Line ) हीच सीमा असा साधारण भूमापनाचा सर्वमान्य संकेत त्या मोजणी करणाऱ्याने बाजूला ठेवला. "एवढ्या डोंगरात कोण येतं परत मोजायला ? परत आलो तर मीच येणार नां ? अशी भावना...
गावच्या जुन्या जाणत्या जमिनीच्या हद्दी माहीत असलेल्या म्हाताऱ्या लोकांच्या विरोधाला नव्या पिढीने " ह्या कॉम्पुटर सर्व्हेचं तुम्हाला कळत नाही, तुम्ही गप्प रहा " अशी बोळवण केली...वर अडाणी गावकऱ्यांना "आमचे साहेब तिकडे साताऱ्यात बसून सॅटेलाईट वरून लक्ष ठेवून हद्दी दाखवणार अशी लोणकढी थाप मारली.. ( कोकणातल्या जमिनीचा सर्व्हे ...अन् साहेब साताऱ्यात ? ) हे मान्य नसलेल्या गावकऱ्यांनी कोर्टात केस करायची तयारी केली. वकिलांनी मला " तुम्ही त्रयस्थ पणे मोजून वस्तुस्थिती मला सांगा, माझे पक्षकार चुकीचे असले तरी तसं सांगा " असं स्पष्ट सांगितलं, गावकऱ्यांनाही ते मान्य झालं,
चार एक महिन्यांपूर्वी यां देवस्थानाच्या तीनही डोंगर धारांनां फिरून जी पी एस ने सर्व्हे करून ,जुन्या खुणा शोधून मी माझा रिपोर्ट वकिलांना दिला ,
" यात किती फरक होऊ शकतो ? " - वकील
"जेमतेम पाच ते दहा फुट इकडे तिकडे, ते सुद्धा गावाचे रेफरंस मॅप १ : १०००० च्या स्केल चे आहेत म्हणून नकाशावर १/२ मिलीमीटर चुकलो तर जागेवर दहा फुट ".... मी
चालेल ! करुया अपील !!!
अपील झालं, कोर्टाने फेर मोजणीचा आदेश दिला अन् कालचा दिवस उजाडला....
सरकारी सर्व्हेअर टीम आपलं काम करत होती, त्यांचे वरिष्ठ साहेब स्वत: मशीन जवळ.... साहेब हजर असल्याने ओळखीचे सर्व्हेअर सुद्धा माझ्यापासून लांब ! अनेक कामं एकत्र केली असल्याने ओळख होतीच, पण 'सामनेवाला' खुसपट काढू नये म्हणून आम्ही लांब ! मी तर केवळ 'बघ्या' !
सरकारी सर्व्हेअर टीम आपलं काम करत होती, त्यांचे वरिष्ठ साहेब स्वत: मशीन जवळ.... साहेब हजर असल्याने ओळखीचे सर्व्हेअर सुद्धा माझ्यापासून लांब ! अनेक कामं एकत्र केली असल्याने ओळख होतीच, पण 'सामनेवाला' खुसपट काढू नये म्हणून आम्ही लांब ! मी तर केवळ 'बघ्या' !
मोजणी झाली..... कॉम्पुटर चालू करायच्या आधी आमटी भाताचं प्रसादांच जेवण झालं..
पोटोबा झाल्यावर साहेबांनी कॉम्पुटरमध्ये डोकं घालून त्यांच्या टीमशी चर्चा केली - सुरवातीलाच आधी झालेली ५० गुंठ्याची मोजणी चुकली असल्याचं सांगितलं व त्या ५० गुंठ्याच्या नवीन हद्दी दाखवल्या... माझ्या हद्दी पासून सात आठ फुटावर !!
नवीन हद्दीमुळे देवस्थानाचे तीन भाग झाले..
पन्नास गुंठे वाल्याच्या गावाकडे दोन समाध्या - (त्यातली एक आमच्या पक्षकाराच्या वडिलांची) व देवळाचा थोडा भाग ....
आमच्या पक्षकाराच्या गावाकडे देवळाचा उरलेला भाग
प्रसाद बनवायची खोली तिसऱ्यां गावात !!
माझा सर्व्हे असा थोडा चुकलेला बघून मलाच थोडं वाईट वाटलं, भले मीच आधी आठ दहा फुट चुकेन हे मान्य केलं असलं तरी..... थोडी नाराजी होतीच...
गावकरी दाखवलेल्या हद्दीवर रंग लावत असताना 'साहेब' शेजारी येऊन उभे राहिले....
" शेंड्ये, वाईट वाटून घेऊ नको...
प्रिसिजन प्रमाणे तुझं बरोबर होतं, पण त्याने काय झालं असतं माहित्ये ? देवस्थान एकाच्याच हद्दीत दाखवलं असतं तर .... ?
हे तीन गावचे गावकरी जे देवासाठी - उत्सवासाठी एकत्र येतायत, एकत्र राबतायत, ते दूर झाले असते, म्हणून थोडं सरकून देवाला तिघांच्यात वाटला !! देव तिन्ही गावच्या वेशीवरच राहुदे.... !!
एक नवीन दृष्टीकोन मिळाला ... नाराजी दूर झाली.... !
: : त्रिविक्रम
पोटोबा झाल्यावर साहेबांनी कॉम्पुटरमध्ये डोकं घालून त्यांच्या टीमशी चर्चा केली - सुरवातीलाच आधी झालेली ५० गुंठ्याची मोजणी चुकली असल्याचं सांगितलं व त्या ५० गुंठ्याच्या नवीन हद्दी दाखवल्या... माझ्या हद्दी पासून सात आठ फुटावर !!
नवीन हद्दीमुळे देवस्थानाचे तीन भाग झाले..
पन्नास गुंठे वाल्याच्या गावाकडे दोन समाध्या - (त्यातली एक आमच्या पक्षकाराच्या वडिलांची) व देवळाचा थोडा भाग ....
आमच्या पक्षकाराच्या गावाकडे देवळाचा उरलेला भाग
प्रसाद बनवायची खोली तिसऱ्यां गावात !!
माझा सर्व्हे असा थोडा चुकलेला बघून मलाच थोडं वाईट वाटलं, भले मीच आधी आठ दहा फुट चुकेन हे मान्य केलं असलं तरी..... थोडी नाराजी होतीच...
गावकरी दाखवलेल्या हद्दीवर रंग लावत असताना 'साहेब' शेजारी येऊन उभे राहिले....
" शेंड्ये, वाईट वाटून घेऊ नको...
प्रिसिजन प्रमाणे तुझं बरोबर होतं, पण त्याने काय झालं असतं माहित्ये ? देवस्थान एकाच्याच हद्दीत दाखवलं असतं तर .... ?
हे तीन गावचे गावकरी जे देवासाठी - उत्सवासाठी एकत्र येतायत, एकत्र राबतायत, ते दूर झाले असते, म्हणून थोडं सरकून देवाला तिघांच्यात वाटला !! देव तिन्ही गावच्या वेशीवरच राहुदे.... !!
एक नवीन दृष्टीकोन मिळाला ... नाराजी दूर झाली.... !
: : त्रिविक्रम
